好多朋友知道豆腐做左空少之後就會問豆腐飛開邊條線,咁大家都知道邊道都要飛啦;但其實仲有另外一個經常被問嘅問題啵—「你做經濟艙定商務艙架」💺💺💺💺💺
咁好多Uncle Auntie都成日以為靚仔靚女或者係好資深嘅菇先可以做商務艙,其實魚翅航空做夠一年返去Training就可以有資格做商務艙,所以唔一定亦唔關係咪靚仔靚女先可以做嘅 😁
不過點樣去決定嗰班機邊個做商務艙定經濟艙呢,就係靠兩個數字嘅比例,根據過去90日內做左幾多班唔同艙等嘅次數,合算出大概做一班商務艙對兩班經濟艙嘅比例,除左自己個比例高低之外,仲要計埋同一班機其他同事嘅比例,最低比例嗰個就要做商務艙,再跟住決定埋其他崗位,但咁複雜…當然係電腦計啦,唔通人手計咩 😂
豆腐自己較為中意做商務艙,因為就算滿到極都只係五十三個客,可以花多啲時間心血落個服務上面,真心話我對住三百個客真係會一路派餐一路爆粗再一路反白眼 👀
「10：21」下班機你估下我做邊道呢?!
Search